Myanmar Rakhine-Rohingya buaina chuan Malaysia-ah nghawng nasa tak a nei zel

July 21 khan Malaysia Anpang Township, Ulu Lungat-ah tu tih hriat loh ruang 2 chhar a ni a, a thi te hian hliam rapthlak tak an tuar tih hriat a ni.

July 21 khan China mi pakhat chuan mi thi ruang a hmuh thu police-te hnenah a hrilh a, police ten chanchin an va finfiah hnu a tuk leh July 23 khan an va la a, tichuan a rang thei ang berin ARRC Office an han phone a, ARRC hruaituten an fan en chuan Myanmar Rakhine mi pahnih an lo ni reng mai a.

Tun tuma an thah Rakhine mi pahnih te chu Ko Soe Naing, kum 38 mi leh Ko Saw Aung, kum 36 mi te an ni. July 18 khan hna interview turin an chhuak a, tichuan in lam an rawn thlen leh mai tak lohvah chuan a thianten phone-in an han kova, mahse chhangtu awm lovin an ring zo thak zel a, an beidawng chu, police hennah chanchin an va riport ta a ni.

Hemi te pahnih hi tu that nge tih chiang taka hriat ni lo mah se Rohingya Muslim an ni rin a ni a, thudik an hriat theih nan ARRC hruaitute chuan hma an la mek a. Hetianga Myanmar ram chhung buaina hian Malaysia-ah pawh nghawng a nei mek zel a, Malaysia sawikar pawhin buaina engmah chhuak lo turin Rakhine hruaitute leh Rohingya hruaitute kovin inremna thu a sawipui tih hriat a ni bawk. 

Ref: VOA News